Tuman ang kasubo sang asawa sang isa ka Holocaust survivor nga nadulaan sang kabuhi matapos ang terror attack sa Bondi Beach, Australia kahapon nga adlaw.
Sa interview sang Bombo Radyo kay Demark Suede, Bombo Correspondent sa Australia iya ginpakigbahin nga isa sa napatay amo si Alexander Kleytman nga isa ka Holocaust survivor, kag nagpadulong sa Australia bilang mga imigrante halin sa Ukraine agud magsugod sang panibag-o nga kabuhi kaupod ang iya pamilya, apang sa isa lamang ka pisok nangin masakit nga trahedya ang sa karun pilit nga ginabaton sang iya pamilya, ilabi sa sang iya asawa nga nasaksian ang iya kamatayon.
Sa panaysayon sang asawa ni Kleytman, nagatindog lamang ang mga ini sang may nabatian sila nga gunshot kadungan sang pagkatumba sang pila ka mga indibidwal.
Didto kag nagpalapit si Kleytman sa iya asawa agud protektahan ini kag sa malain nga palad ang naigo sang pagpaniro sang duha ka suspek.
Padayon pa subong ang imbestigasyon sang mga otoridad sa insidente nga nagbilin sang tuman nga kasubo indi lamang sa Jewish community kundi sa bug-os nga pungsod sang Australia.
