Ginkumpirmar ni Senator Sherwin Gatchalian nga posible mabalik ang parte sang ginkuha nga P45 billion gikan sa proposed 2026 budget sang Department of Public Works and Highways (DPWH).
Suno kay Gatchalian nga amo man ang chairperson sang Senate committee on finance, indi pa niya mapat-ud ang eksakto nga kantidad nga mabalik.
Apang ginpasiguro sang senador nga indi bilog nga P45 billion ang ibalik sa budget sang ahensya.
Matandaan nga sa ulihi nga pagbasa sang Senado, ginpanubo ang proposed budget sang DPWH sa P570.48 billion halin sa P624.48 billion nga gin-aprubahan sang House of Representatives sa idalom sang General Appropriations Bill (GAB).
Samtang, ang inisyal nga budget nga ginpanugyan sang DPWH sa idalom sang 2026 National Expenditure Program (NEP) nagalab-ot sa P881.31 billion.
Apang ginpanubo ini bangud sang mga alegasyon kag isyu may kaangtanan sa maanomaliya nga mga flood control projects sa pungsod.
