Ginatun-an subong sang Department of Agriculture kag Sugar Regulatory Administration nga palawigon pa ang moratorium sang pag-angkat sang kalamay tubtob sa Disyembre 2026
Ini agud matagaan sang prayoridad ang lokal nga produksyon bangud sa kadamuon sang supply sang kalamay sa pungsod.
Suno kay Agriculture Secretary Francisco Tiu Laurel Jr., ang pag-ban mahimo pa palawigon depende sa aktwal nga stock levels.
Ginapangabay man sini ang Sugar Regulatory Administration SRA nga bantayan sing hugot ang produksyon sang mga refinery.
Magapatuman man ang DA kag SRA sang government buying program para buligan ang mga mangunguma, samtang magahanda sang regulasyon sa pag-angkat sang molasses.
