Ginbaligya na sang Villar Group ang PrimeWater Infrastructure Corp. sa Crystal Bridges Holding Corp.
Ang Villar Group ginapamunuan sang bilyonaryo nga si anay senador Manny Villar.
Ang Crystal Bridges naman ang ginapanag-iyahan sang tycoon nga si Lucio Co.
Wala naman ginsapubliko ang balor sang transaksyon sang pag-acquire sang Crystal Bridges sang 100 percent sang PrimeWater.
Ang PrimeWater amo ang naga-operate sang water kag wastewater infrastructure projects sa bilog nga pungsod, kalakip na ang water district joint ventures, bulk water supply, kag septage and wastewater management services.
Matandaan nga sang Agusto, ginpahayag ni anay Senator Cynthia Villar nga luyag nila ibaligya ang Prime Water bangud wala man sila nagaginasya diri kag ginagamit lang ini sang iban agud gub-an sila sa politika.
