Patay na sang nasapwan ang lima ka tuig nga bata nga babaye nga nasulod sa sako sa kilid sang karsada sa Barangay Maria, Sto. Tomas City, Batangas sang Sabado sang aga.
Ang bata biktima sang paghimulos kag ginhigtan pa sang kable sang charger ang iya liog.
Suno sa tiya sang biktima, ulihi nga nakit-an ang iya hinablos sang Biyernes sang aga apang pagkagab-i, wala ini makapauli gani nangayo sila sang bulig sa barangay.
Pagkasunod nga adlaw, didto na nakit-an ang iya lawas nga wala na sang kabuhi.
Sa follow-up operation sang Sto. Tomas Police, madasig nga naaresto ang duha ka lalaki nga suspek.
Ini matapos nakit-an sa isa ka CCTV footage nga nagsulod ang biktima sa balay sang isa sa mga suspek nga si alyas “Leo” kag wala na nakagwa pa ang bata.
Sa dugang nga pag-review sa CCTV, nakita ang paggwa sang suspek nga may bitbit na nga sako nga unod ang lawas sang bata.
Nag-ako si alyas Leo sa krimen kag gintudlo si alyas “Jay” nga kaupod sini rason nga nadakpan sila nga duha.
Nakuha pa kay “Jay” ang anom ka plastic sachet sang shabu.
