Arestado ang isa ka 57-anyos nga punong barangay kag ang iya private bodyguard sa ginpatigayon nga entrapment operation sa Brgy. Caliraya, Lumban, Laguna.
Gindakop mismo ang mga ini sa barangay hall matapos nga nagreklamo ang ila nga biktima.
Ginpahayag nga nagabaligya ang kapitan sang isa ka real property nga wala man sini ginapanag-iyahan samtang ang bodyguard naman ang nagabaton sang bayad halin sa kliyente.
Matapos ang imbestigasyon, natukiban man nga nagapanag-iya ang mga ini sang caliber 9mm kag caliber 40 pistol.
Nagapangatubang ang mga arestado sang kaso nga Estafa kag Illegal Possession of Loose Firearms.
