Nanindugan si anay Sen. Antonio Trillanes IV nga yara sa Davao City sa gihapon si Sen. Ronald “Bato” Dela Rosa, nga masobra isa na ka bulan nga wala makita sa Senado.
Ini sa pihak sang nauna nga pahayag ni Ombudsman Jesu Crispin Remulla nga yara sa Central Luzon ang senador, partikular sa probinsya sang Pampanga.
Sa interview sang Bombo Radyo, ginapanindugan ni Trillanes nga nagatago sa gihapon si Dela Rosa sa Davao, kaangay sang ginhimo sang anay senador pila ka semana ang nakaligad.
Suno sa iya, pila na ka semana nga halin sang ginsilinh sini nga yara sa balwarte sang mga Duterte ang anay Philippine National Police chief, kag wala na ini sang balak nga magguwa pa.
Nagapati si Trillanes nga wala ginatago sang mga military ukon kapulisan ang anay heneral, kundi siya lamang.
Ginpanginwala man ni Trillanes nga mayn ihibalo ini tuhoy sa posibilidad nga pagpagguwa sang kopya sang warrant of arrest batok kay Dela Rosa.
