Liwat nga nagpahanumdom ang Department of Health Western Visayas Center for Health Development nga maghalong subong nga Holidays season sa pagsug-alaw sang paskwa kang bag-ong tuig ilabi na sa mga motorista.
Ini bangud nagapati ang ahensya nga madamo gid sang possible road-crash accidents sa bahin sang Western Visayas bangud sa wala-tuo nga mga selebrasyon nga masami may ara sang inom-inom.
Sa Iloilo, base sa data sang Iloilo Provincial Health Office, yara sa 5,195 vehicular accidents ang narecord subong nga tuig humalin Enero tubtob bulan sang Setyembre.
May ara ini sang 167 recorded deaths, 384 amo ang nakaagum sang major injuries kag 2,057 naman ang nakakuha sang menor nga mga pilas tuga sang vehicular accidents.
Kalabanan sa mga naaksidente amo ang nagabyahe gamit ang motorsiklo kag naga-drive nga hubog.
Suno kay Dr. Fritzi Dequito, Medical Officer III, Department of Health – Center for Health Development Western Visayas, dako ang tyansa nga magataas pagid ang kaso sang road crash accidents subong nga Disyembre bangud sa Christmas Parties kag amo man sa pagsug-alaw sa bag-ong tuig.
