Nagapabilin sa high alert status ang mga kapulisan sa Iloilo City para sa paalabuton nga selebrasyon sang Bag-ong Tuig.
Sa interview sang Bombo Radyo kay PMAJ. Shella Mae Sangrines, spokesperson sang Iloilo City Police Office, may ara sang consistent deployment sang mga kapulisan kag mobile patrol nga magalibot sa syudad para sa seguridad sang publiko.
Suno kay Sangrines, nagapakig-angot man sila sa mga barangay officials agud madugangan ang pwersa sa pagbantay sa mga dalanon kag sa mga puwesto nga posible halinan sang mga insidente.
Ginahingyo man ang mga ginikanan nga bantayan ang ila mga kabataan agud malikawan ang bisan ano nga disgrasya ukon peligro.
Dugang pa niya nga bisan may kapulisan nga nagabantay, kinahanglan gihapon nga ang mga pumuluyo mangin disiplinado kag alerto.
Ginapasugtan man nga maglagaw sa gab-i ang mga menor-de-edad, apang kinahanglan nga may upod ang mga ini nga ila nga mga guardian.
