Gin-imbitahan ni President Ferdinand Marcos Jr. ang grand winner sang “America’s Got Talent” Season 20 nga si Jessica Sanchez nga mag-perform sa
Association of Southeast Asian Nations (ASEAN) Leaders’ Summit nga pagahiwaton sa Pilipinas sa masunod nga tuig.
Suno kay President Marcos kag First Lady Liza Marcos nga ang Prime minister sang Singapore ang isa ka fan ni Jessica kag gina-abangan gid sini ang Filipino-American singer.
Nagpasalamat naman si Jessica kag suno sa iya nga excited na ini nga magkanta para sa mga lider sang nagkalain-lain nga mga pungsod ilabi na nga igarepresenta sini ang Pilipnas.
Ginpahayag man sini nga magapaguwa ini sang album sa una nga quarter sa masunod nga tuig kag kabahin sa iya mga kanta amo ang tagalog kag collaborations sang mga Pilipino nga artista.
Yari subong sa Pilipinas si Jessica para sa New Year’s Countdown Celebration sa Pasay City antes ini magabalik sa US.
