Nagtaliwan na si Duenas Vice Mayor Aimee Paz Lamasan matapos ginpahayag nga aksidente nga natiruhan sini ang iya kaugalingon.
Sa interview sang Bombo Radyo kay Pangga Lamasan Piccio, Former Vice Mayor sang Duenas kag tiya sang bise alcalde, ginkumpirar sini ang kamatayon ni Lamasan kun sa diin tuman gid ang kasubo nga ila nabatyagan sang nagtaliwan ang nasambit nga bise alcalde.
Madumduman nga natabo ang insidente sang Disyembre 30 samtang ginabutang ni Lamasan ang pusil sa iya nga bag, apang gulpi lang ini nga naglupok rason nga naigo ang iya tiyan.
Dayun man ini nga gindala sa ospital kag nagpaidalom sa operasyon.
Liwat pa ini nga nagpaidalom sa ikaduha nga operasyon kun sa diin wala na ini masarangan sang iya nga lawas, rason sang iya kamatayon.
Nagapasalamat man si Former Dueñas Vice Mayor Piccio sa mga tawo padayun nga nagasuporta kag nagapalangga kay Duenas Vice Mayor Lamasan.
