Naglab-ot sa 36 ang mga nakumpiskar nga mga magahod nga tambutso ukon loud mufflers sa probinsya sang Iloilo sa pagtakop sang tuig.
Sa interview sang Bombo Radyo kay PLTCOL. Rolando Araño, spokesperson sang Iloilo Provincial Police Office, iya ginpahayag nga ang mga nakumpiskar nga mga tambutso ang naghalin sa nagkalain-lain nga mga kabanwahanan sa probinsya.
Suno pa sa iya nga ang tagsa ka mga munisipalidad amo ang may ara sang ordinansa kaangot sa mga magahod nga mga tambutso kun sa diin nakabase man sa Local Government Unit (LGU) ang mga penalidad sang mga ini.
Pahayag man niya nga madamo sa mga kabataan sa subong amo ang mahilig magamit sang muffler nga nagatuga sang noise pollution.
Nagpahanumdom man si Araño nga indi na pag-islan ang standard nga tambutso sang motor bangud pagagub-on man sa gihapon ang magahod nga tambutso hinali nga madakpan ang mga ini.
