Patay ang isa ka lalaki matapos nga nagbun-anay kag nagmartilyuhanay sila sang iya kaingod-balay sa Purok-5, Brgy. Cabasan, Bacacay, Albay.
Ang napatay amo ang 53-anyos na si alyas Rosal nga nag-angkon sang madalom nga buno sa tiyan.
Ang suspek naman nga si alyas Niel, 47-anyos, ang nag-angkon sang pilas matapos ginmartilyo sa ulo.
Natigayon nga maaresto si Niel.
Ginpahayag nga ginsulong sang biktima nga may dala nga martilyo ang balay sang suspek.
Nagbaisay ang duha tubtob ginlampusan sang biktima sang martilyo ang ulo ni Niel.
Nakabalos naman ini kag ginbuno si Rosal.
Nadala pa sa ospital ang biktima apang gindeklarar nga dead-on-arrival.
