Ginaduso ni Agriculture Secretary Francisco Tiu Laurel Jr. sa mga mamalidha nga padasigon ang pagpasar sang ginaproponer nga layi para mapondohan ang coco levy sa pungsod.
Nagpaandam man ini nga ang madugay nga pagka-delay sa pagbukas sang pondo pwede nga madulaan sang oppurtunidad ang mga mangunguma sa sektor sang niyog.
Tuig 2021 sang ginpirmahan ang layi nga Republic Act 11524 ukon ang Coconut Farmers and Industry Trust Fund Act ni former President Rodrigo Duterte.
Tinutuyo sini nga pabaskugon kag pasangkaron ang mga benepisyo para sa nagapananom sang niyog.
Sa ika-20 Kongreso, may ginpreparar na nga amyendayhan ang layi sa coco levy fund bilang paghimakas nga pabaskugon ang pagpatuman sa paggamit sang pondo.
Kabahin diri ang paghimo kag pagpalapad sang mga seed farm kag nursery, ang produksyon sang mataas nga ani kag hybrid sang lubi.
Tinutuyo man sini ang paghatag sang technical nga suporta para sa rehabilitasyon sang mga tanuman sang lubi.
