Ginpakamaayo sang Iloilo Festivals Foundation Incorporated (IFFI) nga indi na magpatuman sang signal jamming sa Dinagyang Festival sa highlight sini sa Enero 24-25, 2026.
Sa interview sang Bombo Radyo kay Joyce Clavesillas, Executive Director sang IFFI, iya ginpahayag nga mas maayo kun wala sang signal jamming bangud inkaso nga may mga kinahanglan nga i-coordinate ukon i-communicate, madasig lang nga matatapan sang mga magatambong sang Dinagyang.
Suno kay Clavesillas, ginarespeto man sang IFFI ang desisyon sang ICPO bangud para ini sa seguridad sang mga tawo nga magatambong sa Dinagyang Festival.
Dugang diri, magasunod sa gihapon ang IFFI kun ano man ang mangin desisyon sang alkalde.
Nahibaluan nga nag-request ang Iloilo City Police Office (ICPO) sang temporary signal jamming para sa nagahilapit nga Dinagyang Festival bilang kabahin sang ila security measures.
