Patigayunon ang isa ka training sang Task Force on Moral and Values Formation kaupod man ang Philippine National Police para sa mga Bouncers sang mga balay ilimnan sa siudad sang Iloilo.
Sa interview sang Bombo Radyo kay Nestor Canong, head sang nasambit nga opisina, iya ginpahayag nga patigayunon ang training sa Enero 14 tubtob Enero 15.
Ini amo ang kabahin sang preparasyon para sa paalabuton nga aktibidad sa siudad kaangot man sa natabo nga stabbing incident sang nagligad nga Disyembre.
Madumduman nga nagluntad ang insidente sa bahin sang Mandurriao kun sa diin madamo ang nahamtang nga mga balay ilimnan.
Suno sa iya, mangin dako ini nga bulig para sa mga bouncers agud nga mas ma-inform ang mga ini angot sa pagsolbar sang mga problema nga posible magluntad sa mga estavlisyamento nga ila gina-ubrahan.
