Nagakabalaka sa karun ang hubon sang mga mangunguma sa posibilidad sang paglala sang krisis sa industriya sang kalamay bangud sa hagna nga Sugar Order No. 2.
Suno sa National Federation of Sugarcane Planters (NFSP) nga ginapangunahan ni Enrique D. Rojas, ang amo nga polisiya magapasulod sang mas madamo nga imported nga kalamay sa merkado, nga mahimo magpanubo pa gid sang presyo kag makahatag sang dako nga pagpanghangkat sa mga lokal nga mangunguma.
Ginpahayag man sang grupo nga ang pareho nga mga polisiya sang nagligad nga mga tuig amo ang nagresulta sa karun nga sobra nga suplay kag nubo nga presyo sang kalamay.
Nagpabutyag man sang pareho nga sentemyento ang Confederation of Sugar Producers Associations (CONFED) sa pagpanguna ni , nga nagpaandam nga apektado na ang mga sugar mill kag nabutang na sa ital-ital ang trabaho sang linibo ka mga mangunguma.
Nagapanawagan sa karun ang grupo sa administrasyon ni Presidente Ferdinand Marcos Jr. kag kay Agriculture Secretary Francisco Tiu Laurel Jr. nga mahatagan ini sang nagakaigo nga solusyon agud mapatib-ong ang industriya sang kalamay.
