Ginalauman ni Mayor Raisa Treñas nga ang bago nga pamunuan sang Iloilo City District Engineers Office (ICDEO) mangin bukas sa kooperasyon kag may klaro nga koordinasyon upod sa Iloilo City Government.
Ini matapos ang pag-relieve kay Eng. Roy Pacanan kahapon nga adlaw matapos ang order nga wala sini nalab-ot ang qualifications sang Civil Service Commission (CSC).
Sa interview sang Bombo Radyo kay Joy Fantilaga Gorzal, spokesperson ni Mayor Treñas, iya ginpahayag nga dapat mangin committed sa transparency ang bag-o nga pamunuan sang ICDEO
Ini agud nga may ara sang direksyon kag epektibo nga koordinasyon ang syudad sa pagtukod sang mga bag- o nga mga proyekto.
Importante gid, suno pa sa iya, nga ang mga proyekto sa palaabuton ilabi na ang mga flood control projects mapuslan gid sang pumuluyo sang syudad.
Dugang pa sang alcalde nga pinaagi sa bukas nga koordinasyon kag klaro nga komunikasyon, mas mangin mahapos ang pagpatuman sang mga proyekto para kaayuhan sang mga Ilonggo.
