Gin-anunsyo sang Iloilo Provincial Government nga magabaton sang P1.2-million nga cash prize ang kampyon sa Kasadyahan sa Kabanwahanan nga isa sa highlights sang Dinagyang Festival 2026.
Nagahulat naman ang P700,000 para sa second placer kag P500,000 sa third place winner.
“Other competing tribes will also receive a consolation prize of P200,000,” suno pa sa post sang provincial government.
Dugang sini: “Join us in witnessing the explosion of color and culture at the Kasadyahan sa Kabanwahanan 2026 Festival Competition. Support your favorite tribe and experience the rich identity of Iloilo! Dali na kita kag magsinadya!”
Balantayan ini nga aktibidad sa Enero 24, 2026. Sarang malantaw ang performances sang mga banwa sa Iloilo Freedom Grandstand sa City Proper, Corner Luna-Huervana Streets kag Iloilo Sports Complex sa La Paz.
Ang nagapasakop subong nga tuig amo ang:
Jimanban Festival sang New Lucena
Kahilwayan Festival sang Sta. Barbara
Salakayan Festival sang Miagao
Pagnahi-an Festival sang Bingawan
Tultugan Festival sang Maasin nga amo ang two-time Kasadyahan champion
Kasag Festival sang Banate
Tawili Festival sang San Rafael
kag Banaag Festival sang Anilao.
Kada banwa ang nag-representar sang ila tagsa ka festival kag ang tagsa ka performance nagasalamin sang tourism brand sang Iloilo nga “Fun, Foodie, Friendly.”
