Ginpasakaan sang Office of the Ombudsman sang kaso nga graft kag malversation sanday anay Senador Bong Revilla kag anom ka iban pa.
Ini may kaangtanan sa P92.8 million nga flood control projects sa Pandi, Bulacan nga wala gid napatukod.
Ang mga ginkasuhan amo ang masunod:
- Former Sen. Bong Revilla
- Former DPWH engineer Brice Hernandez
- Jaypee Mendoza
- Arjay Domasig
- Emelita Juat
- DPWH Bulacan First District Engineering Office finance section chief nga si Juanito Mendoza
- DPWH Bulacan First District Engineering Office Cashier nga si Cristina Pineda
Suno kay Assistant Ombudmsan Mico Clavano, nasaad sa kaso nga naghimbunanay sanday Revilla kag iban pa agud ma-release ang P76 million para sa construction sang proyekto sa Bonsuran, Pandi, Bulacan, apang wala gid ini natukod.
Ginsiling pa nga apisar wala sang actual nga construction, gindeklarar nanday Revilla nga nakompleto ang proyekto.
“The information alleges that the respondents conspired to facilitate the release of approximately P76 million for the supposed construction of a flood control project in Purok 5, Barangay Bonsuran, Pandi, Bulacan…a project which, based on official inspection and witness accounts, was never implemented,” suno kay Clavano.
Ini nga kaso-kriminal amo ang ikaduha nga hugnat sang flood control-related criminal cases nga gin-file sang Ombudsman prosecutors sa Sandiganbayan.
Matandaan nga sang Disyembre 2025, may ginpasaka man nga malversation kag graft charges batok kanday former Ako Bicol party-list Rep. Zaldy Co kag 16 ka iban pa bangud sang P289 million substandard road dike project sa Oriental Mindoro. #
