Nagmando si Agriculture Secretary Francisco Tiu Laurel sa state-owned Food Terminal Inc. (FTI) nga mag-alokar sang pondo para magbakal sang dako nga bulto sang katumbal kag munggo direkta sa mga lokal nga mangunguma.
Ini agud pabaskugon ang presyo sang katumbal kag munggo kag para mabuhinan man ang pag-import sang produkto sa iban nga pungsod.
Suno kay Tiu Laurel, ginakilala sang ahensya ang katumbal kag munggo bilang prayoridad nga high value crops subong nga tuig.
Suno pa sa tiglikom nga dapat mag-umpisa na bakal ang Food Terminal Inc. (FTI) sang tubtob 80% sang local production para mahikayat ang mga manug-tanom paagi sa sigurado nga mga manugbakal kag maprotektahan sila batok sa pabag-o bag-o nga presyo sa merkado.
