Ginpirmahan ni Presidente Ferdinand R. Marcos Jr. ang duha ka proklamasyon nga nagatukod sang bag-o nga economic zones sa Tanauan City, Batangas, kag Iloilo City.
Ini agud makaganyat sang investors kag makabulig pa-uswag sang ekonomiya sa rehiyon.
Sa Proklamasyon Blg. 1127, apat ka parte sang duta sa Tanauan ang gindugang sa First Industrial Township–Special Economic Zone sa Batangas, nga may kabug-usan nga 55,859 square meters.
Samtang, sa Proklamasyon Blg. 1128, gin-establisar ang Atria Gardens, isa ka bag-o nga IT park sa Donato Pison Avenue sa Barangay San Rafael, Mandurriao, Iloilo City, nga may may total land area nga 48,569 square meters.
Suno sa Malacañang, ini nga mga ecozones ginapaabot nga makaganyat sang investors, makahatag sang trabaho, kag makabulig sa padayon nga pag-uswag sang ekonomiya sa duha ka rehiyon.
