Igarepresentar sang duwa ka mga bataon nga Pilipino ang Pilipinas sa 2026 Milano Cortina Winter Olympics sa Pebrero.
Ini amo sanday Francis Ceccarelli kag Tallulah Proulx nga kwalipikado para sa giant slalom kag slalom events.
Ang 22-anyos nga Ceccarelli ang labing una nga Pilipino nga nangin kwalipikado para sa Winter Olympics kag ang mangin ikalima nga Olympic alpine skier sang Pilipinas.
Ang 17-anyos naman nga si Proulx ang labing una nga Filipina nga makasulod sa regular Winter Games kag siya ang pinakabata nga Filipino Winter Olympian.
Pareho man sang mga ini nga ginrepresentar ang Pilipinas sa Asian Winter Games sa Harbin, China sang nagligad nga tuig.
Suno kay Jim Apelar, presidente sang Philippine Ski and Snowboard Federation, bisan indi sila sigurado nga magadaog sila sang medalya, nagbukas naman ini sang dalan agud matagaan sang tyansa ang Pilipino nga mapakita ang ila nga kinaiya sa nasambit nga sports.
Ang 2026 Winter Olympics pagahiwaton halin Pebrero 6 tubtob 22 sa Milan kag Cortina d’Ampezzo sa Italy.
