Patay ang isa ka 65-anyos nga lola matapos ini gintiro sa sulod sang ila balay samtang nagapanghugas sang pinggan sa Umingan, Pangasinan.
Suno sa imbestigasyon, ginsulod sang duha ka mga indibidwal ang balay sang biktima kag hinali lang nga gintiro ang tigulang.
Nag-angkon ini sang igo sang bala sa liog kag kilid.
Madasig naman nga nakapalagyo ang mga suspek.
Ginpahayag nga kaakig ang posible rason sa krimen.
Nakita naman sang otoridad sa ginluntaran sang krimen ang isa ka basiyo sang bala sang kalibre .9MM nga pusil, kag kalo nga ginapatihan nga iya sang isa sa mga suspek.
