Nakakuha ang Pilipinas sang 10 billion yen ukon kapin ₱3.7 billion nga emergency financing halin sa Japan International Cooperation Agency (JICA).
Ini agud suportahan ang post-typhoon response kag recovery kasunod sang kahalitan nga ginbilin sang bagyo “Tino.”
Suno sa JICA Philippines, ang pondo nagarepresentar sang first tranche sang Post-Disaster Standby Loan Phase 3 (PDSL3), nga gamiton agud suportahan ang relief, rehabilitation, kag reconstruction efforts sang gobyerno.
Ginpahayag sang JICA nga ang pag- release sang pondo ang kasunod sang request halin sa Department of Finance (DOF) matapos gindeklarar ang state of national calamity bangud sa impact sang bagyo.
