Gina-antisipar sang mga deboto ni Señor Sto. Niño ang pagahiwatun nga fluvial procession sa masunod nga Enero 23, 2026.
Bangud diri, ginpasiguro na sang Philippine Coast Guard Iloilo nga preparado na ang ila nga mga personnel kag amo man ang mga barko nga pagagamitun sa nasambit nga aktibidad.
Sa interview sang Bombo Radyo kay ENS. EL (ensen) John Ga, Spokesperson sang PCG Iloilo, iya ginpahayag nga ang BRP Kalanggaman ukon ang 24 meter vessel Fast Patrol Boat sang PCG ang pagakargahan sang imahe ni Señor Santo Ñino.
Samtang ang 4-meter fast patrol boat ukon ang BRP Malapascua naman ang magapasakay sang mga tinawo halin sa Parish Church, mga opisyales sang syudad kag probinsya sang Iloilo.
May ara naman sang 10 ka mga modernized boats ang para sa mga deboto kun sa diin may ara sang tig duha ka mga assigned personnel sang PCG ang gin-assign agud nga masiguro ang seguridad sang tagsa ka mga deboto.
Ginklaro man sang ahensya nga indi pagpatugutan nga magsakay ang mga deboto kun wala ini sang may mapakita nga mga tickets.
Suno pa kay Ga, may ara sang maga-convoy nga mga Rigid Inflatable Boat inkaso nga may ara sang mga emerhensya sa tunga sang Iloilo river.
