Pagastriktohan sagihapon sang Iloilo City Anti-Smoking Task force (ICAST) ang pagpatuman sang ordinansa nga ‘No Smoking, No Vaping’ sa tanan nga pampubliko nga lugar sa siudad sang Iloilo may kaangtanan sa selebrasyon sang Dinagyang Festival 2026.
Ini man kaangot sa Regulation Ordinance 2021-255 ukon ang pag enforce sang comprehensive Anti-smoking ordinance agud nga maprotektahan man ang publiko.
May ara man sang nagakaigo nga penalidad nga P5,000 sa kun sin-o man ang mga madakpan nga nagapanigarilyo kag naga-vape sa mga pampubliko nga lugar.
Suno kay Inigo Garingalao, head sang ICAST, iya ginpahayag nga padayun ang ila nga paglibot sa siudad agud mga magmonitor sa kada aktibidad para man nga mapasiguro nga smoke free ang lugar.
Gin-ako man sang opisina nga ginakulang sila sa mga enforcers bangud nga yara lang sa 20 ang ila nga mga tinawo kag ila ginapanan-aw nga mangin isa ini ka pagpanghankat sa ila ang pagmonitor sa tagsa ka area of activities.
Nahibaluan man nga may ara sang 101 side events ang pagahiwatun kag possible nga maglab-ot pa ini sa 125 side events may kaangatan sa pagahiwatun nga Dinagyang Festival 2026.
 ang pagpatuman sang ordinansa nga 'No Smoking, No Vaping' sa tanan nga pampubliko nga lugar sa siudad sang Iloilo may kaangtanan sa selebrasyon sang Dinagyang Festival 2026){kind=link}