Gin-anunsyo sang Department of Agriculture nga nagpangako ang rice miller nga ila pataason ang buying price sang palay sa minimum nga 17 pesos kada kilo para sa wet palay ukon unmilled rice.
Samtang 21 pesos naman kada kilo para sa dry palay ilabi na sa Noethern kag Central Luzon nga ila ginakonsiderar nga ‘rice-producing provinces’ sang pungsod.
Tinutuyo sini nga mabuligan ang mga mangunguma matapos nga nagnubo ang farmgate price sang nagligad nga tuig.
Suno sa DA, ila man pagatun-an ang possible nga pagbawal sa importasyon kun maga-umpisa na ang peak harvest season, samtang nagapabilin sa 15% ang rice tariff sa subong.
