Nagbisita sa Iloilo agud mag-upod sa Dinagyang Festival 2026 si anay Philippine National Police (PNP) Chief kag subong Metropolitan Manila Development Authority (MMDA) General Manager Nicolas Torre III.
Antes sini, nag-courtesy visit anay si Torre kay Governor Arthur Defensor Jr. sa Iloilo Provincial Capitol.
Apisar ginbun-ag kag nagdaku si Torre sa Mindanao partikular sa Jolo, Sulu, gina-claim sini ang pagka-Ilonggo ilabi na bangud tumandok sang Tigbauan ang iya amay nga si Rodolfo “Dolping” Molarto Torre kag tumandok naman sang Dumangas ang iya iloy nga si Julia Deloso.
Siya ang nagpungko nga ika-31 nga hepe sang PNP antes gin-relieve kag subong gin-appoint sa MMDA.
MGA AKTIBIDAD SA DINAGYANG
Subong nga adlaw, Enero 24, ginabantayan sang mga Ilonggo ang Dinagyang Pet Parade kag ang Festive Parade Sponsors’ Mardi Gras.
Ala una karon sa hapon, patigayunon ang Kasadyahan sa Kabanwahanan sa Iloilo Freedom Grandstand at 1 p.m. kag sa Iloilo Sports Complex umpisa naman 3 p.m. Isa ini sa major highlights sang kapistahan.
Ang katapusan nga aktibidad subong nga adlaw amo ang Grand Religious Sadsad sa San Jose Parish Placer nga maga-umpisa alas syete sa gab-i.
Buwas, Enero 25, amo ang schedule para sa Dinagyang Tribes Competition.#
