Mas naghina ang gina-ekspektar nga pag-ugwad sang ekonomiya sang Pilipinas sang 2025, bangod nakalab-ot lamang ini sang 4.4%, nga mas manubo sa target sang gobyerno nga 5.5% tubtob 6.5%.
Base sa ulihi nga datos sang Philippine Statistics Authority (PSA), ang pag-ugwad sang ekonomiya sa ika-apat nga quarter sang 2025, halin Oktubre tubtub disyembre 2025 ang naglab-ot lang sang 3% , mas manubo kumparar sa 3.9% sang nagligad nga quarter.
Amo ini ang ikatatlo nga sunod-sunod nga tuig nga wala nalab-ot sang pungsod ang target sini nga ekonomiya para pungsod Pilipinas.
Ini nagakahulugan nga padayon ang pag-uswag sang pungsod apang mahinay ini sa ginlauman sang gobyerno, nga posible makaapekto sa obra, kita, kag presyo sang mga balaklon sang pumuluyo.
