Patay ang duha ka bata nga mag-utod matapos nagbunggo ang ginasakyan nila nga motorsiklo sa isa ka truck sa Barangay Ilijan Norte sa Tubigon, Bohol.
Ang mag-utod nagaedad 13 kag 14.
Pakadto kuntani sila sa eskwelahan para magkuha sang exam kag mabayad sang tuition fee sang natabo ang aksidente.
Pareho nga wala sang suksok nga helmet ang duha.
Base sa imbestigasyon, nag-overtake sila sa tricycle gani nakabunggo sa nasugata nga truck.
Gindala pa sa ospital ang duha apang ginbawian gid sang kabuhi.
