Isa ka trahedya ang nag-abot sa pamilya sang mag-iloy sa Taguig City matapos nga sunod-sunod nga nasapwan ang ila mga lawas nga wala na sang kabuhi.
Una nga nakit-an ang bangkay sang iloy nga si Police Senior Master Sergeant Diane Marie Mollenido sa isa ka sapa sa Pulilan, Bulacan sang Enero 24 ka may igo sang bala sa ulo.
Nakit-an naman ang bangkay sang iya bata nga si John Ysmael Mollenido, 8-anyos, sa isa ka calamansi farm sa Barangay Maluid sa Victoria, Tarlac.
Ang bata naputos sa plastic tape.
Ulihi nga nakit-an nga buhi ang mag-iloy sang Enero 16 sa Quezon City kaupod ang isa ka car agent para sa isa ka transaksiyon.
Ginakabig na subong nga isa sa mga persons of interest ang car agent.
Padayon pa ang maid-id nga imbestigasyon.
