Nagpadala sang manifesto ang mga sugar federation sa bilog nga pungsod nga nagapanawagan sa Department of Agriculture (DA) kag Sugar Regulatory Administration (SRA) sang pagpatuman sang regulasyon sa artificial sweeteners kag mas hugot nga patakaran sa iban pa nga sugar substitutes nga nagaapekto sa demand sang tubo.
Nabatun sang ahensya ang panawagan sang Enero 30 nga halin sa mga sugar millers, refiners, kag iban pa nga allied industry groups.
Suno kay Agriculture Secretary Francisco Tiu Laurel, matapos ang pila ka mga konsultasyon nga ginpangunahan sang DA kag Sugar Regulatory Administration kaupod ang mga sugar industry stakeholders, maga-ubra sila sang mga tikang agud nga mas pasangkarun pa ang industriya sang kalamay.
Nahibalu-an nga ginpasaka na sa provincial government sang Negros Occidental kag iban pa nga mga probinsya ang nasambit nga tikang agud nga mahatagan sang solusyon ang nasmabit nga panawagan.
Dugang pa ni Laurel nga una na ini nga ginpasaka nga issue sang nagligad pa nga 2024 kun sa diin hugot man nga gintutukan ang sugar importation sa pungsod.
 kag Sugar Regulatory Administration (SRA) sang pagpatuman sang regulasyon sa artificial sweeteners kag mas hugot nga patakaran sa iban pa nga sugar substitutes nga nagaapekto sa demand sang tubo){kind=link}