Nasapwan nga patay ang isa ka pulis nga una na gin-report nga na-missing.
Ang biktima amo si PSSgt. Renato Casauay Jr.
Nadiskubre ang lawas sini sa septic tank sa Green St., Felicisima Village, Brgy. Mojon sa Malolos, Bulacan.
Ulihi nga nakit-an nga buhi ang biktima sang Enero 24.
Sang amo nga adlaw, nagpadulong ini sa balay ni Oliver Paul Mauricio alyas “Sampol” agud kuhaon ang regalo nga ilimnon.
Kaupod sini si PCpl. Vivencio Abalos nga miyembro sang Malolos City Police.
Naggwa sa imbestigasyon nga sa sulod sang nasambit nga balay, may nakakompronta si Casauay nga ginkilala nga si Julian Salamat, residente sang Barangay Sto. Nino, Malolos City kag isa ka police asset.
Ginpahayag nga wala nagustuhan ni Salamat ang lango-lango sang biktima sa iya nga nagresulta sa pagpangtiro.
Ginsulod ang lawas sang biktima sa septic tank.
Sang Enero 30, naga-ko si PCpl Abalos angot sa krimen kag sa gahum sang search warrant, ginkadtuan ang balay ni Mauricio kag nasapwan ang bangkay sang pulis.
Arestado sanday PCpl. Abalos kag Oliver Mauricio.
Ginapangita naman ang nagapanguna nga suspect nga si Salamat.
