Liwat nga magataas ang presyo sang gasolina subong nga semana, ini na ang ikaapat nga sunod-sunod nga semana nga nagtaas ini.
Samtang, ika-anom naman nga sunod-sunod nga semana nga nagtaas ang presyo para sa diesel kag sa kerosene.
Gasolina-magataas sang P0.80
Diesel- magataas sang P1.60
Kerosene-magataas sang P1.10
Epektibo ini las sais buwas nga adlaw sang Martes, Pebrero 3
Nauna na nga nag-project ang Department of Energy–Oil Industry Management Bureau (DOE-OIMB) nga magataas ang presyo subong nga semana bangud sa mahina nga pagbangon sang Tengiz field sa Kazakhstan, pagtaas sang Iran risk premium, kag sa patakaran sang (Organization of the Petroleum Exporting Countries) OPEC+ nga pauntaton anay ang pagpataas sang produksyon.
