Ginbawian sang kabuhi ang isa ka motovlogger matapos nga nagtumpilak ang ginasakyan nga motorsiklo sa San Nicolas, Pangasinan.
Ang biktima amo si Chester Masiglat nga may bansag nga “Mamaw Moto”, 32-anyos, residente sang Brgy. Tobor Malasiqui, Pangasinan.
Natabo ang insidente sa Villa Verde Road sa Brgy. Santa Maria East.
Base sa imbestigasyon, madasig ang dalagan sang ginamaneho nga Yamaha motorcycle (YZF-R3) kag sang yara na sa pakurbada nga bahin sang karsada, nadulaan ini sang balance kag nagtumpilak.
Nagsab-it pa ang lawas sini sa wire matapos nagtabog.
Gindala pa ini sa ospital apang wala na matabangan pa.
