Nakakumpiskar ang Police Regional Office 6 (PRO6) sang P60M nga balor sang iligal nga druga sa bilog nga Enero subong nga tuig.
Nakaaresto man ang PRO6 sang 137 ka mga indibidwal sa 109 tanan ka anti-drug operations.
Kalakip sa mga naaresto amo ang 56 ka mga high-value individual (HVIs) kag 81 naman ang street-level suspects.
Ang pinakadamo nga confiscation nga balor P8.7M ang narekord sa Batad, Iloilo kun sa diin naaresto sanday alias “Mico,” isa ka HVI, kag alias “Inday,” isa ka SLI, nga pareho nga residente sang Batad.
Isa man ka dako nga operasyon amo ang pag-aresto sa incumbent Barangay Chairman sang San Dionisio, Iloilo nga si alias “Matmat,” 39, kag isa ka HVI.
Narekober sa opisyal ang malapit P6.5M nga illegal drugs.
Suno kay Police Brigadier General Josefino Ligan, director sang PRO-6, ini nga mga confiscation kag pag-aresto ang pamatuod sang hugot nga kampanya sang regional office batok sa illegal activities.
 sang P60M nga balor sang iligal nga druga sa bilog nga Enero subong nga tuig.){kind=link}