Nakaaresto ang Police Regional Office 6 (PRO6) sang 250 ka mga wanted persons sa bilog nga Enero 2026.
Nalakip sa mga nadakpan amo ang tanan nga yara sa Top 10 Most Wanted Persons sa Western Visayas.
Sa nadakpan nga mga indibidwal, 81 ang Most Wanted Persons, samtang 169 ang Other Wanted Persons.
Resulta ini sang 247 ka mga law enforcement operations sa bug-os nga rehiyon.
Ang Iloilo Police Provincial Office (IPPO) ang may pinakadamo nga naaresto nga 128 ka wanted persons, ginasundan sang Capiz PPO kag Antique PPO nga pareho nga may 30 ka mga naaresto, kag Iloilo City Police Office (ICPO) nga may 25 ka mga naaresto.
Nagpasalamat kag nagdayaw naman si PRO6 Regional Director Police Brigadier General Josefino Ligan sa pagtinguha sang tanan nga operating units agud malab-ot ini nga kadalag-an sa bahin sang kapulisan.
 sang 250 ka mga wanted persons sa bilog nga Enero 2026 kalakip ang Top 10 Most Wanted Persons.){kind=link}