Nagpanugyan ang City General Services Office (GSO) sa publiko nga dumilian ang pag-stanby sa mga dalagko kag may edad na nga mga puno sang kahoy, ilabi na kun naga-ulan.
Sa interview sang Bombo Radyo kay GSO Head Engr. Neil Ravena, iya ginpahayag nga apisar nga naga-conduct sila sang pruning sa mga sanga sang kahoy sa dalanun sang siyudad, indi sa gihapon masikyar ang kapasidad sang iban nga mga kahoy ilabi na kun tyempo sang tag-uluan.
Dugang pa sini nga dapat gid likawan sang mga pumuluyo ang pagpasilong sa mga dalagkuan kag may edad na nga mga kahoy ilabi na kun naga-ulan bangud sa posibilidad sang pag-collapse sini.
Nagpaathag man si Ravena nga ang ila opisina ang indi gilayun makapatigayun sang insigida nga pag-utod ukon pagbuhin sang mga sanga sang ka kahoy bangud kinahanglan pa sang permit halin sa Department of Environment and Natural Resources (DENR) sa pagpatigayon sang amo nga operasyon.
 sa publiko nga dumilian ang pag-stanby sa mga dalagko kag may edad na nga mga puno sang kahoy, ilabi na kun naga-ulan.){kind=link}