[Trigger Warning: This news report contains references to a fatal accident and may be distressing to some readers.]
Dead on the spot ang duha ka babaye nga backrider matapos ginbungguan sang van ang ila ginasakyan nga motorsiklo sa Brgy. Lakawan, Tayabas City.
Pilason naman ang driver sang motorsiklo.
Ang mga napatay nga biktima amo sanday alyas “Jenny”, 21-anyos kag alyas “Janelle”, 20-anyos.
Ang pilason amo si alyas Josh, 22-anyos.
Nobya kag utod sang driver ang mga napatay.
Lunsay taga-Tayabas City ang mga biktima.
Makit-an man sa cctv footage ang pagbunggo sang van.
Natabo ini sa intersection kun sa diin nagdiretso sa pagtabok ang motorsiklo samtang madasig naman ang dalagan sang van nga wala nag-untat bisan pa nga naka-red light.
Lunsay wala sang suksok nga helmet ang mga sakay sang motorsiklo.
Matapos nakabunggo, nalagyo pa gid ang van apang naradyohan ini sa police checkpoint gani natigayon nga madakpan ang driver nga si alyas Mark nga nadiskubre nga wala sang lisensya.
Nahibaluan nga may sakay man nga 14 ka tawo ang nagbunggo nga van.
