Ginpang-clamp ang 11 tanan ka mga pribado nga salakyan nga naka-park sa likod sang kapitolyo kun sa diin may signage pa nga No Parking kahapon nga adlaw, Pebrero 12.
Pahayag sang Iloilo City Traffic and Transportation Management Unit gna nagapatigayon sila sang clearing operations sa Magdalo, La Paz sang may nagpahibalo sa ila nga madamo ang naga-park sa likod sang kapitolyo rason nga gilayon nila ini nga ginkadtuan.
Nakit-an sang mga ini ang 11 ka mga pribado nga salakyan kun sa diin gilayon nila ini nga ginpangclamp.
Gilayon n man nga nagbayad ang mga ini sang P1,000 nga penalty sa Iloilo City Hall agud nga makuha ang clamp sa ila nga mga salakyan.
Suno sa mga tag-iya sang salakyan, nahimo nila nga magpark sa nasambit nga area bangud nga may ara sang nagpamaypay sa ila nga pwede magpark sa lugar.
Sa interview naman sang Bombo Radyo kay Alyas Inday nga isa sa mga nagpapark, iya ginpahayag nga dugay na sila nga nagabulig sila sa mga tag-iya sang salakyan agud nga magpark sa lugar.
Nagpahayag naman ini nga ila man nga ginhambalan ang mga tag-iya sang salakyan nga indi anay paghalinan ang ila nga salakyan kag hulatun lang nga maguwa ang iban nga nakapark sa sulod sang capitol grounds.
