Nagpahayag si Palace Press Officer Usec. Claire Castro nga mas kahuluya ang gin-ubra ni Vice President Sara Duterte nga death threat kanday President Ferdinand Marcos Jr., First Lady Liza Marcos kag anay House Speaker Martin Romualdez.
Ini matapos ang statement sang bise presidente nga indi na paghatagan sang atensyon kag pamatian si Castro bangud nga nagadala lang ini sang kahuluy-an sa Pilipinas.
Suno kay Castro, madamo ang mga kahuluya nga gin-ubra ni Duterte kaangay sang pasumbag sini sa isa ka sheriff, indi pagsunod sa korte, kag pagamit sang ginpahayag peke nga Armed Forces Certificates agud tabunan ang iya confidential funds.
Madumduman nga pila na ka beses nga nagbaslanay sang ila sentimento ang duha ka opisyal.
