Ginpaathag sang katapo sang Bureau of Fire Protection (BFP) nga wala sila nagkulang sa pagresponde sa sunog nga nagluntad sa Barangay Balabago, Jaro, Iloilo City kaina sang kaagahon.
Ini matapos ginbatikos ang ahensya bangud sa alegasyon nga mahinay ang ila pagresponde sa insidente nga nagresulta sa pagkamatay sang 24-anyos nga isa ka Criminology graduate.
Sa interview sang Bombo Radyo kay Senior Fire Officer 1 (SFO) Denmark Macoco, Chief Investigator sang Iloilo Fire Station, iya ginpahayag nga nakabaton ang ila estasyon sang fire call las-3:08 sang kaagahon kag gilayon man sila nga nagresponde pakadto sa lugar sang insidente.
Suno pa kay Macoco, las-3:38 sang kaagahon gindeklarar nga fire under control ang nasambit nga sunog, nga nagapakita nga madasig ang ila pagresponde sa nasambit nga insidente.
Ang amo nga pahayag sang BFP ang nagaathag sa una nga pahayag sang pamilya sang biktima nga nag-alegar nga halos isa ka oras antes nakaresponde ang mga bombero sa lugar.
 nga wala sila nagkulang sa pagresponde sa sunog nga nagluntad sa Barangay Balabago, Jaro, Iloilo City kaina sang kaagahon.){kind=link}