Nagnubo ang nakaandan nga retail price sang bugas sa una nga quarter sang Pebrero.
Ini apisar sa nagapadayon nga pagtaas sang farm-gate price sang palay ukon ang wala pa naproseso nga bugas.
Suno sa Philippine Statistics Authority (PSA), naglab-ot sa P45.54 kada kilo ang average retail price sang regular milled rice sang
Pebrero 1-5.
Mas manubo ini sang 4.7% kumpara sa P47.77 kada kilo sa kapareho man nga quarter sang nagligad nga tuig.
Ginpahayag sang ahensya ang pagnubo sang presyo sang bugas apisar nga padayon ang pagtaas sang presyo sang palay.
Ginsundan pa ini sang temporaryo nga pag-import sang bugas halin Setyembre tubtob Disyembre sang nagligad nga tuig.
Suno kay Agriculture Secretary Francisco Tiu Laurel Jr. nakabulig ang suspensyon sang importasyon agud magtaas ang presyo sang palay nga una na nga nagnubo bangud sang pag-import sang bugas sang nagligad nga tuig.
