Gin-ako sang Western Visayas Alliance of Transport Cooperatives and Corporation Inc. (WVATCCI) nga may yara sang paglapas ang ila nga mga unit nahanungod sa ‘Anti-Sardinas Policy.’
Sa interview sang Bombo Radyo kay Halley Alcarde, Vice President sang nasambit nga kooperatiba, iya ginpahayag nga strikto ang ila opisina sa pagsunod sa mga ginapatuman nga mga ordinansa sang gobyerno, apang may mga tion nga indi mapunggan ang mga pasahero sa pagsakay ilabi na kun rush hour ukon malain ang panahon.
Suno pa kay Alcarde, ginatutukan lang sang Land Transportation Office (LTO) kag Land Transportation Franchising and Regulatory Board (LTFRB) ang mga naga overload nga mga modernized jeep.
Apang suno man sa iya, wala sini ginasapak kag wala ginapangdakop ang mga colorum, unregistered kag wala sang prangkisa nga mga jeep.
Bangdu diri, nagapanawagan sila sa mga nasambit nga ahensya nga mangin patas man kun tani ang pagpatuman sang mga ordinansa kag dakpon ang mga nagakadapat nga dakpon.
Madumduman nga mas nangin hugot subong ang pagpangdakup sang mga naga-overload nga mga pampubliko nga salakyan bangud sa naglapta nga social meadia post nga naga reklamo sa tuman kagutok nga modernized jeep.
 nga may yara sang paglapas ang ila nga mga unit nahanungod sa 'Anti-Sardinas Policy.'){kind=link}