Gin-aresto sang mga pulis si former prince Andrew nga manghod sang hari sang Britanya nga si King Charles III.
Gin-detain ang anay prinsipe nga kilala subong bilang si Andrew Mountbatten-Windsor bangud sa ginasuspetsahan nga misconduct sang tion nga nagserbe ini bilang trade envoy sang United Kingdom.
Natabo ang pag-aresto kadungan mismo sang ika-66 nga kaadlawan sang former prince. Siya ang labing-una nga senior British royal nga gindakop sa halos 400 ka tuig.
Magluwas sa pagdakop sa iya, gin-usisa man sang kapulisan ang iya duha ka mga propiedad.
Ini ang kasunod sang mga rebelasyon sa bag-o lang gin-release nga mga dokumento sa Estados Unidos sang Amerika nga nagaangot kay Andrew sa nagtaliwan nga sex offender kag pedophile billionaire nga si Jeffrey Epstein.
Matandaan nga una na nagpahayag ang awtoridad nga posible nga imbestigaran ang utod sang hari bangud sang amo nga kaangtanan sini kay Epstein, kag igarepaso man ang alegasyon nga nag-share ini sang confidential material.
Ginpanginwala naman anay sang former prince ang tanan nga akusasyon batok sa iya kag nanindugan nga wala siya nakasaksi ukon nakamutik sang anuman nga ginahimo ni Epstein.
Si Andrew amo anay ang Duke of York kag nagserbe bilang trade envoy halin sang 2001 tubtub sang 2011. Nagbyahe ini sa madamo nga mga pungsod kag may access sa senior government kag business contacts sa bilog nga kalibutan.
Nagpaguwa naman sang statement si King Charles III nga dapat nga sundon kun ano ang nakabutang sa layi. Nagpasalig man ang hari nga suportahan sini kun ano man ang operasyon sang kapulisan apisar nga manghod sini ang involved.
“I have learned with the deepest concern the news about Andrew Mountbatten-Windsor and suspicion of misconduct in public office. What now follows is the full, fair and proper process by which this issue is investigated in the appropriate manner and by the appropriate authorities,” kabahin sang written statement ni King Charles.
Dugang sini: “In this, as I have said before, they have our full and wholehearted support and co-operation. Let me state clearly: the law must take its course. As this process continues, it would not be right for me to comment further on this matter. Meanwhile, my family and I will continue in our duty and service to you all. Charles R.”
Nag-release naman sang pahayag ang Prince kag Princess of Wales nga suportado nila ang statement sang hari.#
