Pabor si Iloilo City Traffic and Transportation Management Office Head nga si Ret. Pcol. Uldarico Garbanzos nga dapat na nga i-remind ang mga driver sa siudad sa mga traffic regulations sa siudad sang Iloilo.
Sa interview sang Bombo Radyo kay Garbanzos, head sang nasambit nga opisina, iya ginpahayag nga lakip sa dapat nga i-remind sang mga regulasyon amo ang mga pampubliko nga salakyan kag mga private car owners.
Suno pa kay Garbanzos, ini amo ang isa sa mga tikang agud nga mas mangin mahilway ang dalagan sang trapiko sa siudad.
Dala man sa ginpakigbahin sang ICTTMO head amo ang pito ka mga personnel sang Traffic and Transportation Management Office (TTMO) nga iga-endorso ni Iloilo City Mayor Raisa Treñas sa Land Transportation Office 6 agud nga ma-deputize.
Ini amo ang may tinutuyo nga mahatagan sang awtoridad ang pila ka mga traffic enforcers kag mismo nga si Garbanzos agud nga makaimplementar sang mga national traffic laws kun sa diin nalakip ang Anti-Sardinas Policy.
