Kumpiyansa ang mga taga-suporta ni anay President Rodrigo Duterte sa The Hague, Netherlands nga indi madutlan ang anay Presidente sa mga confirmation of charges batok sa iya sa International Criminal Court (ICC).
Sa interview sang Bombo Radyo kay Lea Manego, supporter ni ex-President Duterte, iya ginpahayag nga bag-o pa lamang nagsugod ang proseso kag wala pa sang “clear picture” may kaangtanan sa mga alegasyon batok sa anay Presidente.
Suno pa sa iya, kun may ara sang ”concrete evidence” nga ginapakita ang pihak nga kampo, may ara man sila nga mga ebidensya nga iga-representar.
Gin-athag man sini nga apisar mainit ang tensyon sa tunga sang mga taga-suporta sang mga biktima sang drug war ni Duterte kag sa ila nga mga taga-suporta ni anay PRRD nagapabilin sa gihapon ang respeto sa tunga sang mga ini sa ICC.
Nagalaom man ang mga ini nga makit-an sang International Criminal Court ang positibo nga resulta sang ginpatigayon nga pagpakigbato ni Duterte sa illegal nga droga sang ini pa ang nagapungko bilang Presidente.
