Wala nagapati ang isa ka human rights lawyer sa mga alegasyon sang ex-Marines sa pila ka mga kongresista nga ginaalegar ila gindul-ungan sang mga maleta nga may unod nga kuwarta.
Matandaan nga kahapon nga adlaw nagpaguwa sang alegasyon ang mga nagpakilala nga anay mga miyembro sang Philippine Marines nga naga-claim man nga nag-deliver sila sang P805 billion nga cash nga nakabutang sa maleta kanday President Ferdinand Bongbong Marcos Jr. kag former House Speaker Martin Romualdez.
Sa interview sang Bombo Radyo kay Atty. Jobert Pahilga, iya ginpahayag nga isa ini ka ‘politically motivated’ nga mga alegasyon.
Dugang pa sini nga makaduluda ang amo nga pahayag, bangud halos tanan nga pangalan nga gin-mention amo ang mga anti-Duterte nga mga politiko.
Ginkwestyon man ni Pahilga ang timing sang pagpagwa sang amo nga mga pahayag, bangud kaangay gintuon gid ini sa confirmation of charges sa International Criminal Court (ICC) ini anay President Rodrigo Duterte kag sa damlag lang nga pag-anunsyo ni Vice President Sara Duterte sang kandidatura sa 2028 election.
Sa karun, ginahangkat ni Pahilga ang mga ex-Marines, nga pamatud-an ang ila mga alegasyon nga para sa iya ang isa ka kabutigan.
