Ginalantaw nga dako nga benepisyo para sa siudad kag probinsya sang Iloilo, ang 49th meeting sang High-level Task Force on ASEAN Economic Integration nga ginapatigayon sa siudad sa Iloilo City.
Sa opening statement ni Department of Trade and Industry Undersecretary Atty. Allan Gepty, iya ginpahayag nga tinutuyo man sang pagsinapol amo ang mapakilala ang ASEAN sa Iloilo kag mapakilala ang Iloilo sa ASEAN.
Suno sa iya, importante nga tikang ini agud mapabakod ang koneksyon sang Iloilo sa iban nga mga pungsod.
Dugang niya, ini agud mapakita man nga ang Iloilo makasarang sa pag-host sang dalagko nga mga events kaangay sang ASEAN.
Sa madumduman, ginmensyonar ni Iloilo City Mayor Raisa Treñas nga isa sa mga rason kun ngaa napilian ang siudad nga mangin host, amo ang recognition nga nabatun sang sini kaangay sang UNESCO Creative City of Gastronomy kag ASEAN Clean Tourist City Award.
